ՎՍՀ-ում ՀՀ դեսպան Վահրամ Կաժոյանի մասնակցությունը Վիետնամի Սոցիալիստական Հանրապետության Ազգային Ժողովի 15-րդ գումարման առաջին նստաշրջանի բացման հանդիսավոր արարողությանը:

20 հուլիսի, 2021

Ս.թ. հուլիսի 20-ին կայացավ Վիետնամի Սոցիալիստական Հանրապետության Ազգային Ժողովի 15-րդ գումարման առաջին նստաշրջանի բացման հանդիսավոր արարողությունը: Բացման խոսքով հանդես եկավ ՎՍՀ Ազգային Ժողովի նախագահ Վուոնգ Դին Հուեն (Vuong Dinh Hue):

Իր խոսքում Վուոնգ Դին Հուեն անդրադարձել է 15-րդ գումարման Ազգային Ժողովի կողմից իրականացվելիք աշխատանքներին՝ հիմնվելով 1945 թվականից մինչ այժմ ընդունված ՎՍՀ-ի հինգ սահմանադրությունների, ինչպես նաև ս.թ. հունվարին տեղի ունեցած ՎՍՀ կոմունիստական կուսակցության 13-րդ Ազգային համաժողովի ընթացքում ընդունված որոշումների և ծրագրերի վրա:

Այնուհետև ելույթով հանդես եկավ ՎՍՀ կոմունիստական կուսակցության գլխավոր քարտուղար Նգույեն Ֆու Չոնգը (Nguyen Phu Trong): Իր ելույթում Նգույեն Ֆու Չոնգն ընդգծել է Վիետնամի՝ գաղութատիրությունից ազատման ու Հարավային և Հյուսիսային Վիետնամների վերամիավորման պատմական փաստերի կարևորությունը, Վիետնամի գրանցված հաջողություններն ու ձեռքբերումները, 1986 թվականից իրականացվող Doi Moi տնտեսական բարեփոխումների շարունակականության կարևորությունը, ինչպես նաև և աղքատության հետագա կայուն կրճատման խնդիրը:

ՎՍՀ Ազգային Ժողովի ընտրական խորհուրդը հանդիսավոր արարողության շրջանակներում հաստատել է Ազգային Ժողովի 15-րդ գումարման 499 պատգամավորների լիազորությունները:

ՎՍՀ Ազգային Ժողովի 15-րդ գումարման առաջին նստաշրջանի շրջանակներում նախատեսվում է քննարկել և հաստատել 2021-2026 թթ. համար նախատեսված հնգամյա ծրագրերը տարբեր ոլորտներում, ինչպես նաև հաստատել Ազգային Ժողովի գլխավոր քարտուղարի, ինչպես նաև ԱԺ կոմիտեների նախագահների թեկնածությունները:

ՎՍՀ Ազգային Ժողովի 15-րդ գումարման առաջին նստաշրջանի բացման հանդիսավոր նիստին մասնակցում էին ՎՍՀ ներկա և նախկին նախագահները, վարչապետները, կոմունիստական կուսակցության գլխավոր քարտուղարները և այլ բարձրաստիճան պաշտոնյաներ:

ՎՍՀ Ազգային Ժողովի 15-րդ գումարման առաջին նստաշրջանի բացման հանդիսավոր նիստին, ի թիվս Վիետնամում հավատարմագրված այլ դեսպանների և միջազգային կազմակերպությունների մշտական ներկայացուցիչների մասնակցում էր նաև ՎՍՀ-ում ՀՀ դեսպան Վահրամ Կաժոյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր